Re ya o Amohela ho Thuto ya Inthanet ya Dipheyo le Dipheo

Motho o etsa dintho jwang? O nka ditoro tsa hae le meralo ya hae jwang ebe o di etsa tsa nnete? Bongata ba rona re na le mehopolo ya seo re batlang ho se etsa kapa seo re nang le sona seo hangata se dulang e le seo re nahanang ka sona. Kapa mohlomong re na le mathata bophelong kapa dintho tseo re lokelang ho di etsa tse bonahalang di le boima haholo kapa di bile di sa kgonehe ho di fihlela.

Batho, dikgwebo esita le dinaha kaofela di ka ba le bothata ba ho rala le ho etsa dintho. Ha re sheba nalane, oka fumana mehlala e mengata ya sena. Meaho e senyehileng ya ditoropo tsa kgale e bontsha meralo e mengata e sa atlehang.

Tabeng ya mokgatlo, L. Ron Hubbard o ile a fumana mekgwa e mengata eo batho le dihlopha ba ka atlehang ka yona. O boetse a sebedisa ditsela tsa ho sebetsana le bo bong ba mathata a atileng ho feta ao batho ba nang le ona, e leng ho se kgone ho etsa hore dipheo le meralo ya bona e be ya nnete.

Kgaolong ena, o tla fumana kamoo o ka fihlelang sepheo sefe kapa sefe, se seholo kapa se senyane. Meralo e ka phethwa mme hona ho etswa ka ho latela mehato e meng e bonolo. O tla ithuta hore na mehato ena ke efe le hore na o ka e sebedisa jwang ho fihlela dipheo tsa hao, lelapa la hao, sehlopha, kgwebo le tse ding. O tla ithuta hore ditoro tsa hao di ka fetoha tsa nnete.

Tlhokomediso ya Bohlokwa

Ha o etsa thuto ena, etsa bonnete ba hore ha o fetise lentswe leo o sa le utlwisiseng ka botlalo. Lebaka feela leo motho a tlohelang ho ithuta ka lona kapa a ferekana kapa a sa kgone ho ithuta ke hobane o fetile lentswe leo a neng a sa le utlwisise. Di sa le teng